Главная | Регистрация | Вход | Гостевая книга
Приветствую Вас Гость
Суббота, 19.01.2019, 07:24
Меню
Главная » 2018 » Ноябрь » 14 » Идэ таһымын үрдэтэр куурустар
16:43
Идэ таһымын үрдэтэр куурустар

 Үөрэнээччилэр күһүҥҥү сынньалаҥнара Боруулаах орто оскуолатын коллективыгар олус туһалаахтык уонна үрдүк таһаарыылаахтык ааста. Ол курдук күһүҥҥү сынньалаҥ устата учууталлар уонна оҕо саадын иитээччилэрэ икки араас идэтийии таһымын үрдэтэр куурустарга (курсы повышения квалификации) үөрэннилэр. Сэтинньи 6-8 күннэригэр Дьокуускай куораттан «Үөрэхтээһин инновационнай сайдыытын киинин» (Центр инновационного развития образования) дириэктэрэ, элбэх сыл үөрэҕирии эйгэтигэр үлэлээбит уопуттаах салайааччы Дмитрий Кириллович Титов «Организация воспитательной работы при реализации ФГОС как создание условий для социализации обучающихся» диэн бырагырааманан үөрэттэ. Дмитрий Кириллович иитии үлэтэ – өйү-санааны оҥоруу үлэтэ, оҕолорбутун үлэни сатаан тэрийэр, дойдуларын кыһалҕатын, инникитин өйдүүр дьону иитэн таһаарыахтаахпыт диэн тоһоҕолоон эттэ. Иитии үлэтин тэрийэрбитигэр, уруок таһынан бэриллэр чаастары үөрэнээччи тус бэйэтин сатабылларын сайыннарыыга аныырбытыгар сүбэлээтэ. Үөрэх түмүгүнэн, учууталлар бөлөхтөргө арахсан, иитии үлэтин бырагырааммаларын барыллаан оҥорон көмүскээтилэр. Бырагырааммалар сүрүннээн төрүт үгэстэргэ олоҕуран, бэйэни сатаан салайынар, санааны кыайан сааһылаан этэр, үлэни сатаан тэрийэр, сиэрдээх киһини иитэн таһаарыыга туһаайылыннылар.

Маны таһынан, ыалдьыппыт нэһилиэк эр дьонугар “Воспитание как создание будущего семьи” диэн сүбэ мунньах тэрийдэ. Оҕо иитиитин, нэһилиэнньэ дьарыктаах буолуутун боппуруостарыгар сүрдээх сэргэх кэпсэтиилэр таҕыстылар.

Онтон сэтинньи 9-10 күннэригэр «Бизнес-сообщество СПО РС(Я)» төрүттээччитэ, бүтүн республикатааҕы «Эргиэн» бизнес-оонньуу, “Сахамедиумстарт”, “Марафон бизнес-идей” бырайыактар ааптардара Семен Семенович Посельскай «Создание бизнес-сообществ в системе образования» диэн үрдүкү сүһүөх үөрэнээччилэригэр уонна учууталларга практическай семинар ыытта. Семинар чэрчитинэн Семен Семенович оскуола базатыгар хайдах коворкинг-центрдары тэрийэр уонна үлэлэтэр туһунан чопчу инструкциялары биэрдэ уонна былаанныырга үөрэттэ. Семинар кыттыылахтара үрдүкү сүһүөх оҕолоругар хайдах бизнес-хамаанда тэрийэргэ, бизнес-былаан  оҥорорго, коворкинг-центр  үлэтин былаанныырга үөрэннилэр; үөрэнээччилэр бизнес-хамаандаларын бородууксуйатын олоххо киллэрэр суоллары тобуллулар. Ол түмүгүнэн, оҕолор туспа, учууталлар туспа бөлөхтөргө арахсан, бырайыак оҥорон көмүскээтилэр. Бу бырайыактар туохха олоҕуралларый, сүрүн ирдэбиллэрэ туохханый? Маҥнайгытынан, агротехнологическай хайысхалаах оскуола буоларбытын бигэргэтэр; иккиһинэн, бу бырайыагы олоххо киллэриигэ оскуола материально-техническэй базатын сөптөөхтүк туһаныы; үсүһүнэн, бу бырайыак төһө тоҕоостооҕо уонна табыгастааҕа (реальность -актуальность). Уопсайа аҕыс олус интэриэһинэй бырайыак көмүскэннэ. Үлэ түмүгүнэн оскуола салалтата уонна Семен Семенович ордук табыгастаах уонна тоҕоостоох диэбит бырайыактарын олоххо киллэрии өттүгэр толкуйдарын туһаайыахтара.

Онон, оскуола коллективыгар эрэ буолбакка, бүтүн нэһилиэккэ туһалаах тэрээһин буолан ааста. Кылгас кэм иһигэр үгүс билиини, сатабылы иҥэрэн барбыт ыҥырыылаах ыалдьыттарбытыгар, преподавателлэрбитигэр Дмитрий Кириллович Титовка, Семен Семенович Посельскайга уонна бу маны барытын сүүрэн-көтөн, кэпсэтэн тэрийбит салайааччыбытыгар оскуола дириэктэригэр Зинаида Николаевна Божедоноваҕа коллектив аатыттан барҕа махталбытын тиэрдэбит.

Боруулаах орто оскуолатын алын сүһүөх учуутала

Мария Борисовна Слепцова

10.11.2018

Просмотров: 22 | Добавил: Админ | Рейтинг: 0.0/0
Всего комментариев: 0
Имя *:
Email *:
Код *:
Поиск по сайту
Онлайн

Онлайн всего: 1
Гостей: 1
Пользователей: 0
Календарь
«  Ноябрь 2018  »
ПнВтСрЧтПтСбВс
   1234
567891011
12131415161718
19202122232425
2627282930
Вход

Быстрый переход

МБОУ "Борулахская СОШ"
Ваш браузер: , версия
Ваш внешний IP-адрес: 18.205.246.238
Создать бесплатный сайт с uCoz